საქართველოს რკინიგზა გაჩერებულია. ზუსტად ერთი საათის წინ რკინიგზელებმა 2-საათიანი საყოველთაო გაფიცვა დაიწყეს. მათი საპროტესტო აქცია უკვე რამდენიმე დღეა მიმდინარეობს. რკინიგზელების მთავარი მოთხოვნა ხელფასების ზრდაა.
რკინიგზის თანამშრომლებსა და ხელმძღვანელობას შორის ხუთსაათიანი მოლაპარაკება გუშინ უშედეგოდ დასრულდა. თანამშრომლების თქმით, შეხვედრაზე კონკრეტული გადაწყვეტილებები ვერ მიიღეს. შეხვედრას გენერალური დირექტორის მოვალეობის შემსრულებელი ირაკლი ეზუგბაიაც ესწრებოდა. რკინიგზის წარმომადგენლების განცხადებით, ბოლო წლების განმავლობაში სახელფასო ფონდი დაახლოებით რვა მილიონი ლარით გაიზარდა და ხელფასების მატება ეტაპობრივად მიმდინარეობს.
სამაუწყებლო კომპანია "რუსთავი 2-მა" მიიღო გადაწყვეტილება მერაბიშვილისა და ჭიაბერაშვილის აღკვეთის ღონისძიების განმხილველი სასამართლო სხდომის ტრანსლაციის თაობაზე.
ვანო მერაბიშვილი და ზურაბ ჭიაბერაშვილი ქუთაისის წინასწარი დაკავების იზოლატორში რჩებიან. მათთვის აღკვეთის ღონისძიების შეფარდების საკითხზე ქუთაისის სასამართლო დღეს იმსჯელებს.
მთვრობის ყოფილი წევრების დაკავებაზე და მათთვის აღკვეთის ღონისძიების შეფარდებაზე განცხადებას ავრცელებს პრეზიდენტი სააკაშვილი. განცხადება ფეისბუქის გვერდზე გამოქვეყნდა.
ქუთაისში ვანო მერაბიშვილისა და ზურაბ ჭიაბერაშვილის მხარდამჭერთა აქცია მიმდინარეობს. პარალელურად, საქალაქო სასამართლოსთან შეკრებილი პირები სამართლიანობის აღდგენას და დაკავებულთათვის წინასწარი პატიმრობის შეფარდებას მოითხოვენ.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
უზენაესი სასამართლოს თავმჯდომარე ყველას აფრთხილებს, არ ჩაერიონ ვანო მერაბიშვილისა და ზურაბ ჭიაბერაშვილის სასამართლო პროცესებში. კონსტანტინე კუბლაშვილი აცხადებს, რომ მსგავს მცდელობაზე პირადად მას უმკაცრესი რეაქცია ექნება.
ვლადიმერ პუტინი ოკუპირებული ცხინვალის რეგიონის მარიონეტული რეჟიმის ლიდერს შეხვდა. რუსეთის პრეზიდენტის და ლეონიდ თიბილოვის შეხვედრა სოჭის რეზიდენციაში გაიმართა.
