ხადური ხაზინაში თანხების არარსებობის შესახებ
24.10.12 20:31
ხაზინაში თანხების არარსებობის შესახებ დღეს ფინანსთა მინისტრობის კანდიდატამა ილაპარაკა. განცხადება ნოდარ ხადურმა ბიძინა ივანიშვილისა და საპარლამენტო უმცირესობის შეხვედრაზე გააკეთა.
"გუშინ საფინანსო-საბიუჯეტო კომიტეტის სხდომაზე მე ვთქვი, რომ ბიუჯეტიდანაც გაიზრდება დაფინანსება სოფლის მეურნეობის და ასევე დავადასტურე, რომ იქნება კერძო ინვესტიციები სოფლის მეურნეობაში.
"და მეორე - ხაზინაში არის 200 მილიონი ლარი და არანაირი 2 მილიარდი ხაზინაში არ არის. მე შემიძლია დღევანდელი ამონაბეჭდი მოგართვათ და ნახოთ, რა მდგომარეობაშია სახელმწიფო ფინანსები. არც ერთი პროცენტით არ არის საგადასახადო შემოსავლების გადაჭარბება. 9 თვეში არის ზუსტად 75%. ეს არის ფაქტები," - განაცხადა მან.
|
