აჭარის უმაღლესი საბჭო ხვალ სხდომას გამართავს
27.10.12 19:00
28 ოქტომბერს 12 საათზე აჭარის უმაღლესი საბჭოს სხდომა ჩატარდება. საქართველოს პრეზიდენტმა სპეციალურ განკარგულებას ხელი უკვე მოწერა.
სხდომა საკანონმდებლო ორგანოს თავმჯდომარეს აირჩევს. წინასწარი ინფორმაციით, ამ პოსტს ავთანდილ ბერიძე დაიკავებს.
გავრცელებული ცნობით, უმაღლესი საბჭოს პირველ სხდომას ქვეყნის პრემიერ-მინისტრი ბიძინა ივანიშვილიც დაესწრება.
რეგიონის მთავრობის თავმჯდომარის პოსტზე სამი კანდიდატურა განიხილება, მათ შორის ბანკი "ქართუს" აჭარის ფილიალის მმართველიარჩილ ხაბაძე, პოლიტიკური სწავლების სკოლის დამფუძნებელი და დირექტორი არმაზ ახვლედიანი და აჭარის უმაღლესი საბჭოს წევრი ჯემალ ფუტკარაძე.
მთავრობის თავმჯდომარის კანდიდატურა პრეზიდენტმა უმაღლეს საბჭოს დასამტკიცებლად პირველი სხდომის გამართვიდან არაუგვიანეს 10 დღისა, ანუ 10 ნოემბრამდე უნდა წარუდგინოს.
|
