პატიმართა გათავისუფლება გრძელდება
29.10.12 10:32
სასჯელაღსრულების მე-12 დაწესებულებიდან წუხელ კიდევ 30-მდე პატიმარი გაათავისუფლეს. როგორც ყოფილმა მსჯავრდებულებმა განაცხადეს, ეს მათთვის მოულოდნელი იყო და ამ გადაწყვეტილების შესახებ რამდენიმე საათით ადრე შეიტყვეს.
სასჯელაღსრულებისა და პრობაციის ახლად დანიშნული მინისტრის განცხადებით, გათავისუფლების პროცესი დღესაც გაგრძელდება. მსჯავრდებულთა ნაწილმა ვადაზე ადრე საპატიმროები რამდენიმე დღის წინაც დატოვა.
ვადაზე ადრე საპატიმროს 300-მდე მსჯავრდებული დატოვებს. ძირითადად, გათავისუფლდებიან ის პატიმრები, რომლებიც დადებითად ხასიათდებიან და სასჯელის გარკვეული ნაწილი უკვე მოხდილი აქვთ.
სასჯელაღსრულების, პრობაციისა და იურიდიული დახმარების საკითხთა მინისტრის განმარტებით, პირობით ვადაზე ადრე გათავისუფლება შეიძლება ნებისმიერი მუხლით გასამართლებულ პირს შეეხოს.
|
