აშშ-ის ელჩი ნოდარ ხადურს შეხვდა
31.10.12 11:10
ამერიკის შეერთებული შტატების ელჩი რიჩარდ ნორლანდი დღეს ფინანსთა მინისტრს ნოდარ ხადურს შეხვდა და აშშ-ის მთავრობისა და საერთაშორისო ორგანიზაციების მიერ მხარდაჭერილი პროგრამების საკითხი განიხილა. ელჩის განცხადებით, შეერთებული შტატები მხარს უჭერს საქართველოს ფინანსურ სტაბილურობას. მისივე თქმით, ეს შეხვედრა იყო კარგი შესაძლებლობა, რათა ახალ მინისტრსა და მის გუნდს გაცნობოდა.
შეხვედრას Millennium Challenge Corporation-ის ვიცე-პრეზიდენტი ტომ ჰერლი და საქართველოში შეერთებული შტატების საერთაშორისო განვითარების სააგენტოს "იუესაიდის" დირექტორი სტივენ ჰეიკინი ესწრებოდნენ. აქცენტი გაკეთდა სამომავლო თანამშრომლობაზეც.
ნოდარ ხადურთან შეხვედრამდე ამერიკის შეერთებული შტატების ელჩი საქართველოს პრემიერ-მინისტრმა მიიღო. შეხვედრას ასევე ესწრებოდნენ ათასწლეულის გამოწვევის ფონდის წარმომადგენლები - ვიცე-პრეზიდენტი ტომ ჰერლი და ჯეიმს მაკნიკოლასი. ბიძინა ივანიშვილთან საუბრისას რიჩარდ ნორლანდმა ათასწლეულის გამოწვევის პროგრამის ის დეტალები და თანმდევი პროექტები განიხილა, რომელიც მთელი ქვეყნის მასშტაბით ხორციელდება.
|
