ხმაური იყო წუხელ თბილისში, კონსტიტუციის ქუჩაზე. სოციალურად დაუცველ ოჯახებს მე-2 კლინიკური საავადმყოფოს შენობის დაკავების საშუალება იქ მცხოვრებმა აფხაზეთიდან დევნილებმა არ მისცეს. დაპირისპირების გამო გარკვეული პერიოდი გადაკეტილი იყო ქუჩაც. დევნილების მტკიცებით, შენობაში ისინი უკვე 20 წელია ცხოვრობენ და ეს მათი საკუთრებაა. სოციალურად დაუცველმა პირებმა თავის მხრივ დევნილები სიცრუეში დაადანაშაულეს და ახალ მთავრობას საცხოვრებლით დაკმაყოფილება სთხოვეს.
დევნილები შეიჭრნენ ზუგდიდის ცენტრში მდებარე პოლიკლინიკის შენობაშიც. იძულებით გადაადგილებული პირები ბოლო პერიოდში გაუსაძლის საცხოვრებელ პირობებსა და ქირისთვის საჭირო თანხის არ არსებობაზე საუბრობენ. შენობა, რომელიც დევნილებმა დაიკავეს, "ჩემი ოჯახის კლინიკის" საკუთრებაა. ადგილზე პოლიციის და კერძო დაცვის თანამშრომლები იმყოფებოდნენ. კლინიკის ხელმძღვანელობასთან გამართული მოლაპარაკების შემდეგ დევნილებმა შენობა დატოვეს.
სამეგრელოში აღმოჩენილ იარაღის სამალავის შესახებ ახალი დეტალები ხდება ცნობილი. სოზარ სუბარის განცხადებით ინფორმაციით სამალავში აღმოჩენილ ვიდეოკასეტებზე პატიმრების და არა მხოლოდ პატიმრების გაუპატიურებაა აღბეჭდილი.
უახლოეს მომავალში რუსეთი საქართველოსთან საჰაერო მომოსვლასთან დაკავშირებით კონსულტაციებს დაიწყებს. საუბარია რეგულარული ავიარეისების აღდგენაზე. განცხადება ამ თემაზე გუშინ რუსეთის საგარეო საქმეთა სამინისტროში გაკეთდა.
საქართველოს პარლამენტის თავმჯდომარე ბრიუსელში ოფილიალურ ვიზიტს განაგრძობს. დღეს დავით უსუფაშვილი, ქართულ დელეგაციასთან ერთად ევროპარლამენტის თავმჯდომარეს შეხვდა.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
ფინანსთა სამინისტროს საგამოძიებო სამსახურის თანამშრომლებმა ქრთამის აღების ფაქტზე დმანისის მუნიციპალიტეტის გამგებლის მოადგილე და საკრებულოს წევრი დააკავეს.
ნაციონალური მოძრაობის წევრები ქვეყანაში ეკონომიკური მაჩვენებლების ვარდნის შესახებ საუბრობენ. სტატისტიკის დეპარტამენტის მონაცემებზე დაყრდნობით, გიორგი ვაშაძე აცხადებს, რომ ბოლო რადენიმე თვის განმავლობაში ექსპორტი და იმპორტი მკვეთრად არის შემცირებული.
