სპეცოპერაციის დროს გარდაცვლილი სპეცრაზმელი დაკრძალეს
02.09.12 18:14
საგარეჯოს რაიონის სოფელ რუსიანში დღეს ლაფანყურის სპეცოპერაციის დროს გარდაცვლილი სპეცრაზმელი დაკრძალეს. სოლომონ წიკლაურის ოჯახს საქართველოს პრეზიდენტმა და შს მინისტრმა მიუსამძიმრეს.
მიხეილ სააკაშვილმა წიკლაურის ახლობლებს თანადგომა გამოუცხადა.
დაკრძალვის ცერემონიას ძალოვანი უწყების მაღალჩინოსნები და რიგითი მოქალაქეებიც დაესწრნენ.
დაღუპული კაპიტანი გარდაცვალების შემდეგ ვახტანგ გორგასლის პირველი ხარისხის ორდენით დაჯილდოვდა. ჯილდო მის ოჯახს გადაეცა.
აგვისტოს ბოლოს საქართველო-რუსეთის საზღვართან ჩატარებული ანტიტერორისტული ოპერაციის დროს შინაგან საქმეთა და თავდაცვის სამინისტროების 3 სამხედრო მოსამსახურე დაიღუპა. ლიკვიდირებულია 11 დივერსანტი.
ლოპოტის ხეობაში შეიარაღებული ჯგუფის დევნის ოპერაცია 29 აგვისტოს, გამთენიისას დაიწყო. საქართველოში გადმოსულმა შეიარაღებულმა პირებმა მანამდე მძევლების რამდენიმე ჯგუფი აიყვანეს, მათ გასათავისუფლებლად სპეციალური ღონისძიებები მალევე დაიწყო. ბოლო მძევლის გათავისუფლებას უკვე ორმხირივი სროლა მოჰყვა. სწორედ ამ შეტაკების დროს მოხდა შეიარაღებული ჯგუფის წევრების ლიკვიდაცია და დაიღუპა შინაგან საქმეთა სამინისტროს 2 სპეცრაზმელი - იოსებ წიკლაური და არჩილ ჩოხელი, ასევე თავდცავის სამინისტროს სპეცრაზმის ექიმი ვლადიმერ ხვედელიძე.
ცეცხლის გახსნამდე საზღვარზე გადმოსულ პირებს სამართალდამცველებმა დანებება რამდენჯერმე შესთავაზეს, რაზეც უარი მიიღეს.
|
