თელავში პოლიტიკური კოალიცია "ქართული ოცნების" წინასაარჩევნო აქცია მიმდინარეობს. ქალაქის ცენტრში განთავსებულ სცენაზე, რომლის გარშემოც ტყვიაგაუმტარი მინებია დამოტაჟებული, სიტყვით კოალიციის ლიდერები გამოდიან.
თელავის აქციაზე დასასწრებად "ქართული ოცნების" თბილისის რაიონული ორგანიზაციებიდან აქტივისტები რამდენიმე საათის წინ გავიდნენ. კოალიციის აქტიური წევრები და მათი მხარდამჭერები სხვადასხვა ოფისში 3 საათისთვის შეიკრიბნენ და მანქანების კოლონა კახეთისკენ დაიძრა.
საქართველოს სხვა რეგიონებიდან კი "ქართული ოცნების" აქციაზე დასასწრებად, ივანიშილის მხარდამჭერები დილიდან გაემგზავრნენ. კახეთში პირველები საჩხერიდან "ქართული ოცნების" აქტივისტები ჩავიდნენ. ერთ-ერთი პირველი თელავში ჩავიდა ”ქართული ოცნების” თბილისელი მხარდამჭერების ნაწილიც.
ზურაბ ჭიაბერაშვილმა ქუთაისის N2 სასჯელაღსრულების დაწესებულება დატოვა. კახეთში პრეზიდენტის რწმუნებული მას შემდეგ გაათავისუფლეს, რაც მისმა ოჯახმა 20,000 ლარის გირაოს თანხა გადაიხადა.
ვანო მერაბიშვილის მეუღლე საქართველოში დაბრუნდა. თაკო სალაყაია თბილისში გვიან ღამით ჩამოფრინდა. მან ჟურნალისტებთან კომენტარი არ გააკეთა. ყოფილი პრემიერის მეუღლესთან ერთად საქართველოში ჩამოვიდა თბილისის მერი.
ვანო მერაბიშვილის დაკავებას თავდაცვის ყოფილი მინისტრი, დიმიტრი შაშკინიც გამოეხმაურა. მისი განცხადებით, `ერთიანი ნაციონალური მოძრაობის`გენერალური მდივნის დაკავებით მას პოლიტიკას ვერ ჩამოაშორებენ.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
შსს-ს თბილისის მთავარი სამმართველოს ძველი თბილისის სამმართველოს მე-VII განყოფილების თანამშრომლებმა 17 მაისს რუსთაველის გამზირზე მომხდარ ინციდენტში მონაწილე ორ სასულიერო პირს, სამების ტაძრის არქიმანდრიტს, მამა ანთიმოზ (თამაზ) ბიჩინაშვილსა და იოანე თორნიკე ერისთავის სახელობის დედათა მონასტრის იღუმენს, მამა იოთამ (ირაკლი) ბასილაიას ბრალი წაუყენეს.
ვიცე–პრემიერი 17 მაისს თბილისში განვითარებულ მოვლენებთან დაკავშირებით მიმდინარე გამოძიებაზე კომენტარს აკეთებს. გიორგი მარგველაშვილი აცხადებს, რომ კანონდამრღვევთა პასუხისმგებლობის საკითხი სასამართლომ უნდა გადაწყვიტოს.
17 მაისს მომხდარ ფაქტებზე საუბრისას, საქართველოს კათოლიკოს–პატრიარქი სასულიერო პირების ქცევის გამო წუხილს გამოთქვამს. ილია მეორის თქმით, მიუღებელია იდეები, რომელთა დანერგვასაც საქართველოში ზოგიერთი ჯგუფი ცდილობს, თუმცა სამღვდელოების საქციელი მოსაწონი მაინც არ იყო.
