რუსეთი კარლ ბილდტის განცხადებას ეხმაურება
11.09.12 10:35
შვედეთის საგარეო საქმეთა მინისტრის განცხადებებს, საქართველოში საპარლამენტო არჩევნებთან დაკავშირებით რუსეთის გაღიზიანება მოყვა.
კარლ ბილდტმა უცნაური უწოდა ოპოზიციის ერთი ნაწილის განწყობას, თითქოს არჩევენების შედეგები არა საარჩევნო ყუთებთან, არამედ შემდეგ, ქუჩაში უნდა გადაწყდეს და ყველა პოლიტიკურ პარტიას მოუწოდა არჩევნების შედეგები აღიაროს.
რუსეთის საგარეო უწყების წარმომადგენელი ალექსანდრე ლუკაშევიჩი აცხადებს, რომ ბილდტს ამ სიტყვების გამო განმარტებებს მოსკოვში დაგეგმილი ვიზიტის დროს მოსთხოვენ. ლუკაშევიჩის მტკიცებით, კარლ ბილდტის განცხადება 1-ლი ოქტომბრის საპარლამენტო არჩევნებთან დაკავშირებით, დემოკრატიის ნორმების შესაძლო დარღვევაზე მოქალაქეების რეაქციის შეზღუდვას წარმოადგენს. "მცდელობა - აპრიორი შეიზღუდოს რეაქცია არჩევნებში დემოკრატიის ნორმების შესაძლო დარღვევაზე, სულ მცირე, შვედი მინისტრის შეხედულებების არათანმიმდევრულობაზე მიუთითებს," - განაცხადა ლუკაშევიჩმა.
|
