კომპიუტერის ცოდნის გამავრცელებელი საზოგადოება დაფუძნდა
11.05.12 10:00
ყვარელში კომპიუტერის ცოდნის გამავრცელებელი საზოგადოება დაფუძნდა. პრეზენტაციას საქართველოს პრეზიდენტიც დაესწრო და პროექტის მნიშვნელობაზე ისაუბრა. პროექტი პირველ ეტაპზე 300 სოფელში კომპიუტერული ცენტრის გახსნას ითვალისწინებს. მისი საშუალებით, ადგილობრივები შეძლებენ კომპიუტერისა და ინტერნეტის გამოყენებას თავისი მიზნებისათვის. პროექტი პრეზენტაციაზე მიწვეულ სტუმრებს გიორგი ვაშაძემ გააცნო.
პრეზენტაციის პარალელურად, ილია ჭავჭავაძის სახლ-მუზეუმში ახალგაზრდებმა მე-19 საუკუნის 60-იანი წლები გააცოცხლეს და კიდევ ერთხელ გაიხსენეს, როგორ იქმნებოდა მე-19 საუკუნეში წერა-კითხვის გამავრცელებელი საზოგადოება.
ყვარელში კომპიუტერის ცოდნის გამავრცელებელი საზოგადოების დაფუძნების დეკლარაციას კი ერთ-ერთმა პირველმა თავისი აიდი ბარათით ხელი საქართველოს პრეზიდენტმა მოაწერა.
|
