ევროპის 2013 წლის ჩემპიონატი ჭიდაობაში თბილისში გაიმართება
12.09.11 17:13
ჭიდაობაში ევროპის 2013 წლის ჩემპიონატს თბილისი უმასპინძლებს. გადაწყვეტილება სტამბოლში გამართულ საერთაშორისო კონგრესზე მიიღეს. ჭიდაობის საერთაშორისო ფედერაციის პრეზიდენტმა რაფაელ მარტინეტიმ სხვა კანდიდატებთან შედარებით, უპირატესობა თბილისს მიანიჭა. შეხვედრები სპორტის სასახლეში ჩატარდება. საქართველოს დედაქალაქს მსგავსი დონის ტურნირების მასპინძლობის საკმარისი გამოცდილება აქვს. თბილისში უკვე გაიმართა ევროპის პირველობა ძიუდოსა და სამბოში. 2015 წელს კი საქართველოში ახალგაზრდული ოლიმპიური ფესტივალი ჩატარდება. დღეს კი სტამბოლში მსოფლიოს ჩემპიონატი დაიწყება, რომელშიც მონაწილეობას ბერძნულ-რომაული და თავისუფალი სტილით მოჭიდავე ქართველი სპორტსმენები მიიღებენ.
საერთაშორისო ოლიმპიური კომიტეტის შტაბბინა და შვეიცარიის მთავრობა საქართველოს ოლიმპიურ კომიტეტს მიღებული გადაწყვეტილებისათვის მადლობას უხდის, წერილს კი ხელს შვეიცარიის ელჩი გიუნტერ ბეხლერი აწერს.
ოლიმპიური კომიტეტის პრეზიდენტი, ლერი ხაბელოვი ადასტურებს, რომ საქართველოს პრემიერ–მინისტრი, შესაძლოა, 2014 წლის სოჭის ოლიმპიადის გახსნის ან დახურვის ცერემონიალს დაესწროს.
საქართველოს ჭიდაობის ფედერაციის პრეზიდენტმა ლუკა კურტანიძემ სპორტის სასახლეში ჭიდაობაში ევროპის ჩემპიონატის გაიხსნისას საჯაროდ მოუხადა ბოდიში ყველას, ვისაც თავისი ცხოვრებითა და ბრძოლით ტკივილი მიაყენა.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
ლუკა კურტანიძის და თემურ ყაზარაშვილის დაპირისპირებაზე ძიება გრძელდება. სამართალდამცველებმა ისინი უკვე დაკითხეს. ყაზარაშვილის თქმით, ის არ აპირებს უჩივლოს კურტანიძეს, თუმცა პრეზიდიუმის სხდომაზე მოითხოვს, რომ მას ჩამოართვან...
