გორის რაიონის სოფელ კირბალადან დაკარგული ორი ახალგაზრდა რუს აგრესორებსა და სეპარატისტებს ჰყავთ დაკავებული. 18 წლის ბექა და 24 წლის ვაჟა თაყაძეები სანადიროდ ორშაბათს გამთენიისას წავიდნენ და აღარ დაბრუნდებულან.
გატაცებულების ოჯახის წევრები ამბობენ, რომ ახალგაზრდები ოკუპირებული ტერიტორიიდან ნახევარი კილომეტრის მოშორებით აპირებდნენ ნადირობას და მათ თან პირადობის დამადასტურებელი საბუთები არ ქონდათ. ბოლო ინფორმაციით, თაყაძეები წინაგარას განყოფილებაში ჰყავთ გადაყვანილი და მათ ე.წ.საზღვრის დარღვევაში ადანაშაულებენ.
13 დაკავებული ქართველი ისევ სომალელი მეკბრეების ტყვეობაში რჩება. მათი ვინაობა უკვე ცნობილია. მეზღვაურთა გათავისუფლებაში საქართველოს საგარეო საქმეთა სამინისტრო ჩაერთო.