ახალაია კადეტთა კორპუსს ესტუმრა
30.06.11 18:26
თავდაცვის მინისტრი დღეს სენაკში კადეტთა კორპუსს სტუმრობდა. ბაჩო ახალაია სწავლის პროცესს გაეცნო და სასწავლებელი დაათვალიერა. შეამოწმა კადეტთა მომზადების ხარისხი, საველე პირობებში სასწავლო პროგრამაც.
მიზანში სროლა კავშირგაბმულობის ნორმატივები და სხვადასხვა სახის ფიზიკური მომზადების ხარისხის შესწავლის შემდეგ მინისტრი ახალგაზრდებსაც გაესაუბრა და მათგან მოისმინა სასწავლო პროგრამაზე აზრი.
სასწავლებელში ამ ეტაპზე სამასი კადეტი გადის მომზადებას. კადეტთა სასწავლებელი სენაკში უკვე ერთი წელია არსებობს.
მინისტრის გადაწყვეტილებით, მოსწავლეებისათვის, რომელთა მომზადების ხარისხი ნორმას არ აკმაყოფილებს, დამატებითი სასწავლო პროგრამა დაინიშნება.
|
