ახალციხეში აქცია რაბათის განახლებული ციხის კარიბჭესთან გაიმართა. ამომრჩევლებთან საქართველოს პრემიერ-მინისტრი 2 საათისათვის მივიდა.
ვანო მერაბიშვილმა მმართველი გუნდის სამოქმედო გემაზე ისაუბრა და ყურადღება გაამახვილა ჯანდაცვის ხელმისაწვდომობაზე, სახელმწიფო სადაზღვევო პროგრამაზე, დასაქმებისა და სოფლის მეურნეობის სფეროში არსებული პრობლემების გადაჭრაზე.
მთავრობის ხელმძღვანელმა ახალციხის ამომრჩევლებთან შეხვედრაზე ხაზგასმით აღნიშნა, რომ ქვეყანაში უახლოეს მომავალში სოფლის მეურნეობის პროდუქტების გადამამუშავებელი 500 საწარმო ამუშავდება, რაც სფეროში ვითარებას რადიკალურად გააუმჯობესებს.
სამეგრელოში შსს-ს მიერ აღმოჩენილ საიდუმლო სამალავში ნაპოვნი ვიდეომასალების გამოძიების შედეგად სამინისტრომ ცხრა ადამიანი დააკავა. ამის შესახებ შინაგან საქმეთა მინისტრმა დიპლომატებთან შეხვედრის შემდეგ განაცხადა.
ციხის სკანდალური კადრების ავტორი ვლადიმერ ბედუკაძე თინა ხიდაშელს დაუპირისპირდა. ბედუკაძემ თინა ხიდაშელის მიერ გუშინ რუსთავი 2-ის ეთერში გამოთქმული მოსაზრების საპასუხოდ საგანგებო განცხადება გაავრცელა
საერთაშორისო გამჭვირვალობა საქართველო ვლადიმერ ბედუკაძის სისხლის სამართლის პასუხისმგებლობისგან სრულად გათავისუფლებასთან დაკავშირებით განცხადებას ავრცელებს. `ბედუკაძე პასუხისმგებლობისგან სრულად არ უნდა გათავისუფლებულიყო,`- მიიჩნევს ორგანიზაცია.
ქუთაისში სამტრედიის ხიდის მიმდებარე ტერიტორიაზე სამართალდამცველებმა ოთხი პირი დააკავეს. წინასწარი ინფორმაციით, აღნიშნული პირები ნარკორეალიზატორები არიან.
რამდენიმე დღის წინ ტერაქტის ორგანიზების ბრალდებით თბილისში დაკავებულ დაღესტნელს მიკაელ კადიევს იზოლატორში გარიგება შესთავაზეს. ამის შესახებ გაზეთ "ყველა სიახლეს" დაკავებულის ძმამ რამაზ კადიევმა განუცხადა.
