გრიგოლ ვაშაძე ბრატისლავაში სლოვაკ კოლეგას შეხვდა
13.04.12 11:22
საქართველოს საგარეო საქმეთა მინისტრი გრიგოლ ვაშაძე ბრატისლავაში სლოვაკეთის საგარეო საქმეთა მინისტრს, მიროსლავ ლაიჩაკს შეხვდა.
შეხვედრის დროს მხარეებმა განიხილეს ორმხრივი და მრავალმხრივი თანამშრომლობის საკითხების ფართო სპექტრი, მათ შორის ჩიკაგოს 2012 წლის ნატოს სამიტისთვის მზადების პროცესში ორივე მხარისათვის აქტუალური საკითხები, კერძოდ, ISAF-ის ფარგლებში თანამშრომლობა და 2014 წლის შემდეგ ავღანეთში პოლიტიკური სტაბილურობის შენარჩუნებისა და ეკონომიკური განვითარების მიზნით ურთიერთქმედების აუცილებლობა.
ყურადღება გამახვილდა რეგიონში მიმდინარე პროცესებზე და ამ მიმართულებით მხარეებს შორის თანამშრომლობის აუცილებლობაზე.
ამავე შეხვედრაზე გახდა ცნობილი, რომ 27 აპრილიდან საქართველოს მოქალაქეები სლოვაკეთის ვიზის აღებას თბილისში, სლოვაკეთის საელჩოში შეძლებენ. აქამდე, სლოვაკეთის ვიზების აღება ანკარასა და კიევში სლოვაკეთის საკონსულოებში იყო შესაძლებელი.
|
