2011 წლის უცხოური ინვესტიციების მონაცემები
14.03.12 13:18
საქართველოს ეკონომიკის მინისტრმა ვერა ქობალიამ საზოგადოებას 2011 წლის უცხოური ინვესტიციების წინასწარი მონაცემები წარუდგინა. მინისტრის თქმით, საქართველოში 2011 წლის განმავლობაში განხორციელებული პირდაპირი უცხოური ინვესტიციებიდან 377 მლნ აშშ დოლარი რეინვესტიციებზე მოდის.
სულ ინვესტიციებმა 981 მილიონი დოლარი შედგინა. ინვესტირების ძირითადი მოცულობა მრეწველობაში განხორციელდა. ინვესტორთა ინტერესის სფერო ასევე იყო ტრანსპორტი და კომუნიკაციები. გაზრდილია რეინვესტიციის მაჩვენებელიც. საქართველოსთვის ყველაზე მსხვილი ინვესტორი ჰოლანდია, დანია და აზერბაიჯანი არიან.
გასულ წელს განხორციელებული პირდაპირი უცხოური ინვესტიციების დაზუსტებული მონაცემები მიმდინარე წლის 15 აგვისტოს გამოქვეყნდება.
|
