`მზიურის` რეაბილიტაცია იწყება
22.08.11 16:54
დედაქალაქს ახალი ცენტრალური პარკი იქნება - თბილისში ბავშვთა ქალაქ მზიურის რეაბილიტაცია იწყება.
პროექტის მიხედვით, მზიურისა და ზოოპარკის გაერთიანების პროექტის განხორციელების შედეგად სრულფასოვანი დასვენებისთვის აუცილებელი ყველა საჭირო ინფრასტრუქტურით შეიქმნება მსხვილი ცენტრალური პარკი.
პარკის პირველი ნაწილი განთავსდება საბავშვო ქალაქ მზიურის ტერიტორიაზე რომელიც ყველა ასაკის ბავშვისთვის იქნება განკუთვნილი. მოეწყობა მოსასვენებელი ადგილები, ამფითეატრი, ტექნოლოგიური და შემეცნებითი გასართობები, სკეიტბორდის მოედანი, სავარჯიშო კუთხე. ჩოგბურთის კორტების ტერიტორია მოეწყობა და მთლიანად დაეთმობა სპორტს. განლაგდება სპორტული მოედნები, სარბენი ბილიკები, ღია და დახურული სავარჯიშო დარბაზები.
პროექტის მშენებლობა 2012 წელს სრულდება.
|
