რამდენიმე საათის განმავლობაში ზუგდიდის ერთ-ერთი ცენტრალური ქუჩა სამართალდამცველებს გადაკეტილი ჰქონდათ – პროკურატურის შენობის წინ მათ ასაფეთქებელი მოწყობილობა აღმოაჩინეს. შინაგან საქმეთა სამინისტროს სპეციალურმა ჯგუფმა ბომბის უვნებელყოფა რამდენიმე წუთში შეძლო. კონსტიტუციური უსაფრთხოების დეპარტამენტმა კი უკვე დააკავა პირი, რომელმაც პროკურატურის შენობასთან ასაფეთქებელი მოწყობილობა მოათავსა. მისი ვინაობა, ჯერჯერობით, არ ხმაურდება. წინასწარი ინფორმაციით, ეს იყო თვითნაკეთი ბომბი, რომლის ზუსტ შემადგენლობასაც ექსპერტიზა დაადგენს.
ასაფეთქებელი ნივთიერება ამოღებული და უვნებელყოფილია შინაგან საქმეთა სამინისტროს სპეციალური ოპერაციების ცენტრის განაღმვის სამმართველოს მიერ.
საქმეს იძიებს კონსტიტუციური უსაფრთხოების დეპარტამენტი.
თბილისის აეროპორტში ლიტველი ბიზნესმენი დააკავეს. საულუს ვაიტკიავიჩუსი "პოპულის" სუპერმარკეტების ქსელის ყოფილი მფლობელია. მან საქართველოში წილი გაყიდა და ოთხშაბათს სამშობლოში გამგზავრებას აპირებდა, თუმცა ის აეროპორტში დააკავეს.
თბილისის მერიასთან მიმდინარე აქცია პოლიციასთან დაპირისპირებაში გადაიზარდა. ბინებით დაკმაყოფილების მოთხოვნით, სოციალურად დაუცველი ოჯახების წევრებმა ცენტრალური შესასვლელი გადაკეტეს.
საზაფხულო დასაქმების პროგრამის აღდგენის მოთხოვნით, სტუდენტების ერთი ჯგუფი 4 ივნისს განათლების სამინისტროსთან აქციის გამართვას აპირებს. ისინი ხელმოწერებსაც აგროვებენ, თუმცა განათლების მინისტრი აცხადებს, რომ მთავრობა პოლიტიკას არ დააფინანსებს.
ერთიანი ნაციონალური მოძრაობის გენერალური მდივნის ვანო მერაბიშვილის დაკავებასთან დაკავშირებით ისაუბრა საქართველოს შინაგან საქმეთა მინისტრმა ბელგიაში გამართულ შეხვედრაზე.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
`თუ საქართველოში სიტუაცია არ გამოსწორდა, შესაძლოა ამან შეაფერხოს ქვეყნისთვის ასოცირების ხელშეკრულების მიღება,`- ასეთი განცხადება ევროპის სახალხო პარტიის პრეზიდენტმა "ტვიტერის" მიკრობლოგზე გააკეთა.
უფლებადამცველები სასჯელაღსრულების სამინისტროსთან შეიკრიბნენ გვიან ღამით. ისინი ექვსი ყოფილი პოლიციელის გლდანის N8 დაწესებულებიდან N9 დაწესებულებაში გადაყვანას ითხოვდნენ.
ადამიანი პირველად გაიტაცეს იმ ტერიტორიიდან, სადაც ოკუპანტებმა მავთულხლართები ცოტა ხნის წინ გააბეს. სოფელ დიცში რუსმა სამხედროებმა ადგილობრივი მკვიდრი, 24 წლის როსტომ სოსიაშვილი დააკავეს