რამდენიმე საათის განმავლობაში ზუგდიდის ერთ-ერთი ცენტრალური ქუჩა სამართალდამცველებს გადაკეტილი ჰქონდათ – პროკურატურის შენობის წინ მათ ასაფეთქებელი მოწყობილობა აღმოაჩინეს. შინაგან საქმეთა სამინისტროს სპეციალურმა ჯგუფმა ბომბის უვნებელყოფა რამდენიმე წუთში შეძლო. კონსტიტუციური უსაფრთხოების დეპარტამენტმა კი უკვე დააკავა პირი, რომელმაც პროკურატურის შენობასთან ასაფეთქებელი მოწყობილობა მოათავსა. მისი ვინაობა, ჯერჯერობით, არ ხმაურდება. წინასწარი ინფორმაციით, ეს იყო თვითნაკეთი ბომბი, რომლის ზუსტ შემადგენლობასაც ექსპერტიზა დაადგენს.
ასაფეთქებელი ნივთიერება ამოღებული და უვნებელყოფილია შინაგან საქმეთა სამინისტროს სპეციალური ოპერაციების ცენტრის განაღმვის სამმართველოს მიერ.
საქმეს იძიებს კონსტიტუციური უსაფრთხოების დეპარტამენტი.
საქართველოს პრეზიდენტი პრემიერ-მინისტრს მიმართავს და სთხოვს გადახედოს გადაწყვეტილებას ბათუმის ტექნოლოგიური უნივერსიტეტისთვის აშენებულ შენობაში, სასწავლო დაწესებულების ნაცვლად, ქალაქის მთავრობის განთავსების თაობაზე.
იუსტიციის მინისტრი დათა ახალაიას "ფასდაუდებელი ინფორმაციის" მფლობელად მიიჩნევს. ამის შესახებ თეა წულუკიანმა ტელეკომპანია `მაესტროს`ეთერში, გადაცემა `პოლიტმეტრში` განაცხადა.
თეა წულუკიანი კონსტანტინე კუბლაშვილს "საერთო სასამართლოების შესახებ კანონში" შესატან ცვლილებებთან დაკავშირებით კონსულტაციებს სთავაზობს. იუსტიციის მინისტრის განცხადებით, ის ამ ინიციატივით უზენაესი სასამართლოს თავმჯდომარეს ოფიციალურად მიმართავს.
დამოუკიდებლობის დღის აღსანიშნავად დაგეგმილ ღონისძიებებზე მომუშავე სახელმწიფო კომისია პირველ სხდომას მართავს. ვიცე-პრემიერი და განათლების მინისტრი გიორგი მარგველაშვილი, რომელიც აღნიშნულ კომისიას ხელმძღვანელობს...
