სააკაშვილმა და ტრამპმა ბათუმი დაათვალიერეს
22.04.12 16:03
ბათუმში საქართველოს პრეზიდენტი და ამერიკელი მედიამაგნატი ღამით დონალდ ტრამპის კუთვნილი ლაინერით ჩაფრინდნენ. თვითმფრინავში ყოფნის დროს ამერიკელმა მილიარდერმა მიხეილ სააკაშვილს ლაინერი დაათვალიერებინა.
ბათუმის აეროპორტში საქართველოს პირველ პირს და ამერიკელ სტუმარს ელექტრომანქანა დაახვედრეს, რომლითაც მიხეილ სააკაშვილმა დონალდ ტრამპს ღამის ბათუმი დაათვალიერებინა.
ისინი პირველად იუსტიციის სახლს ესტუმრნენ. ამერიკელი მედიამაგნატს უწყების სპეციფიკა და მუშაობის პრინციპი გააცნეს.
იუსტიციის სახლიდან მიხეილ სააკაშვილი და დონალდ ტრამპი ხელოვნების ცენტრში მივიდნენ, რომელიც დაახლოებით ერთი წლის წინ გაიხსნა.
საქართველოს პრეზიდენტთან ერთად, ტრამპს ბათუმში საქართველოს ეკონომიკის მინისტრიც მასპინძლობდა.
ამერიკელ სტუმარს აჩვენეს ბათუმის პიაცა და "ალი და ნინოს" მოძრავი ქანდაკებაც.
|
