ოკუპირებული აფხაზეთიდან გადმოყვანილ კიდევ ერთ ბავშვს თბილისში ოპერაციას გაუკეთებენ. ჯოენის სახელობის კლინიკაში 11 წლის იანა იაშფბა გულის მანკის დიაგნოზით მოათავსეს. ტყვარჩელიდან გოგონა უკვე რამდენიმე დღეა თბილისში ჩამოიყვანეს და ოპერაციას მას ხვალ გაუკეთებენ. ოპერაციის ღირებულებას მთლიანად საქართველოს ხელისუფლება დაფარავს. დღეს პაციენტი აფხაზეთის მთავრობის მეთაურმა მოინახულა. გია ბარამიამ 11 წლის გოგონას სააღდგომო საჩუქრები და ტკბილეული მიუტანა.
ნაციონალური მოძრაობის გენერალური მდივნის ვანო მერაბიშვილისა და კახეთში პრეზიდენტის რწმუნებულის ზურაბ ჭიაბერაშვილის დაკავებასთან დაკავშირებით კომენტარი გააკეთა საქართველოს პრემიერ-მინისტრმა.
არასაპარლამენტო პოლიტიკური პარტიების ლიდერები 17 მაისს თბილისში განვითარებული მოვლენების გამოძიებას მოითხოვენ. მათი აზრით, სამართალდამცველებმა, პირველ რიგში, აქციის ორგანიზატორები უნდა დააპატიმრონ და არა რიგითი მოქალაქეები.
ბიძინა ივანიშვილი ექსპერტთა კლუბში შეხვედრას მართავს. პრემიერ-მინისტრი ანალიტიკოსებს ხვდება და სავარაუდოდ, მათთან ერთად პოლიტიკურ და ეკონომიკურ პროცესებს განიხილავს.
საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში და საგარეო საქმეთა მინისტრის მოადგილე ევროპაში გაემგზავრნენ. ზურაბ აბაშიძე და დავით ზალკალიანი ბრიუსელში ნატო-საქართველოს კომისიის სხდომას დაესწრებიან.
