მძიმეა 11 წლის მოზარდის ჯანმრთელობის მდგომარეობა, რომელიც თბილისის დამწვრობის ცენტრში გარდაბნის რაიონიდან გადმოიყვანეს. ბავშვმა სხეულის თერმული დაზიანება ბუნებრივი აირის აალების შედეგად მიიღო. იგი ამ დრომდე რეანიმაციულ განყოფილებაში რჩება. მოზარდს თერმული დაზიანება სახესა და კიდურებზე აღენიშნება.
დამწვრობის ცენტრში ასევე ბუნებრივი აირის აალების შედეგად დაშავებული 68 წლის მამაკაცი მოათავსეს. იგი დუშეთის რაიონიდან გადმოყვანეს. მას სხეულის 14 პროცენტი აქვს დამწვარი. მისი ჯანმრთელობის მდგომარეობა დამაკმაყოფილებელია.
უმცირესობის წევრი გივი თარგამაძე 26 მაისს თბილისში მომხდარ ინციდენტზე ლაპარაკობს და პოლიციის მაღალჩინოსანს 18 წლის ახალგაზრდის განზრახ დაჭრაში სდებს ბრალს. ფაქტს შსს-შიც ადასტურებენ და აცხადებენ, რომ ბრალდებული დაკავებულია.
პროკურორები, რომლებიც ბუტა რობაქიძის მკვლელობისა და ციხის სკანდალის საქმეებზე მუშაობდნენ, დაწინაურდნენ. ლეონიდ გერგედავა და გელა პეტრიაშვილი ისანი-სამგორისა და ჩუღურეთის რაიონულ პროკურორებად დაინიშნენ.
პარტია `თავისუფალი საქართველოს`ლიდერი პრემიერს კონსტრუქციული დიალოგისკენ მოუწოდებს. კახა კუკავას პოლიტიკური პარტიის წევრები მზად არიან განიხილონ ბიძინა ივანიშვილთან ქვეყანაში არსებულ ვითარებასთან დაკავშირებით მათი შეხედულებები.
უმაღლესი განათლების შესახებ კანონში შესატან ცვლილებებს დეპუტატებმა მეორე მოსმენით უნდა უყარონ კენჭი. ცნობილია, რომ კანონპროექტს არა მარტო საპარლამენტო უმცირესობა, არამედ უმრავლესობის ნაწილიც არ უჭერს მხარს.
6 თვით თავისუფლების აღკვეთა შეეფარდა 65 წლის მამაკაცს, რომელსაც ბრალად 3 წლის ბავშვის მიმართ გარყვნილ ქმედებაში ედება ბრალი. ეს გადაწყვეტილება სასამართლომ ბრალდებულთან საპროცესო შეთანხმების შემდეგ გამოიტანა.
ვერტმფრენების კომპანია ”თუშეთის” მფლობელის ზაურ ქორთოშიძის ოჯახის ახლობლები იმის შესაძლებლობასაც კი გამორიცხავენ, რომ ტერორისტული აქტის მოწყობის მცდელობაში ბრალდებული მიკაილ კადიევი და რიზვან ომაროვი ქორთოშიძეების სახლში ცხოვრობდნენ.
