გაერო ორ ქართულ პროექტს აჯილდოვებს16.05.12 20:12ქართულმა რეფორმებმა პრესტიჟული სართაშორისო აღიარება მოიპოვა. გაეროს მიერ დაწესებული პრიზი საუკეთესო საჯარო მომსახურების სფეროში ორ ქართულ პროექტს გადაეცა. იუსტიციის სახლები და ელექტრონული შესყიდვები წელს გაერომ ყველზე ინოვაციურ და რეფორმატორულ პროექტებად აღიარა. იუსტიციის სამინისტრომ "საჯარო სამსახურის გაუმჯობესების" კატეგორიაში გაიმარჯვა, კონკურენციისა და სახელმწიფო შესყიდვების სააგენტომ კი - "საჯარო სამსახურში კორუფციასთან ბრძოლისა და პრევენციის" ნომინაციაში. მსგავსი კონკურსი გაეროს ეგიდით ყოველწლიურად ტარდება. დაჯილდოების ცერემონია კი ნიუ-იორკში, 25-27 ივნისს, სპეციალურ ფორუმზე იგეგმება, რომელსაც 400-ზე მეტი ქვეყნის წარმომადგენელი დაესწრება. საგანგებო წერილი და მიწვევა ფორუმზე გამარჯვებული პროექტების ავტორებს გაერომ უკვე გამოუგზავნა, სადაც ნათქვამია: "თქვენი ინსტიტუციის მიღწევამ აჩვენა უპირატესობა საჯარო ინტერესების სამსახურში და დარწმუნებული ვართ, მან მნიშვნელოვანი წვლილი შეიტანა თქვენს ქვეყანაში საჯარო ადმინისტრაციის გაუმჯობესების საქმეში. ის მართლაც იქნება შთაგონების მიმცემი და გამამხნევებელი სხვებისთვის, ვინც საჯარო სამსახურში მუშაობს". |
||||||||||
  |
||||||||||
 |
||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||
