გამოცდებისა და შეფასების ეროვნული ცენტრის ყოფილი დირექტორი მაია მიმინოშვილი, რომლიც თანამდებობიდან განათლების მინისტრმა გუშინ გაათავისუფლა, დღეს დილით ბიძინა ივანიშვილს ეწვია. `ქართული ოცნების` ლიდერმა ის თავის რეზიდენციაში მიიღო. შეხვედრის შემდეგ კომენტარები ბიძინა ივანიშვილის პრესამსახურმა გააკეთა. ვიდეო-მასალა ქართულმა ოცნებამ ინტერნეტ-სივრცეში გაავრცელა.
`არა მგონია დანაშაული იყოს მინისტრს თუ მიუთითებ, შენს მოსაზრებას და წინადადებებს შესთავაზებ გარკვეულ საკითხებთან დაკავშირებით. თუ ამას გულისხმობდა პიროვნულ შეუთავსებლობაში ბატონი შაშკინი, მაშინ ეს ნამდვილად ასე იყო,`- განაცხადა შეხვედრის შემდეგ მაია მიმინოშვილმა.
უმცირესობის წევრი გივი თარგამაძე 26 მაისს თბილისში მომხდარ ინციდენტზე ლაპარაკობს და პოლიციის მაღალჩინოსანს 18 წლის ახალგაზრდის განზრახ დაჭრაში სდებს ბრალს. ფაქტს შსს-შიც ადასტურებენ და აცხადებენ, რომ ბრალდებული დაკავებულია.
პროკურორები, რომლებიც ბუტა რობაქიძის მკვლელობისა და ციხის სკანდალის საქმეებზე მუშაობდნენ, დაწინაურდნენ. ლეონიდ გერგედავა და გელა პეტრიაშვილი ისანი-სამგორისა და ჩუღურეთის რაიონულ პროკურორებად დაინიშნენ.
პარტია `თავისუფალი საქართველოს`ლიდერი პრემიერს კონსტრუქციული დიალოგისკენ მოუწოდებს. კახა კუკავას პოლიტიკური პარტიის წევრები მზად არიან განიხილონ ბიძინა ივანიშვილთან ქვეყანაში არსებულ ვითარებასთან დაკავშირებით მათი შეხედულებები.
უმაღლესი განათლების შესახებ კანონში შესატან ცვლილებებს დეპუტატებმა მეორე მოსმენით უნდა უყარონ კენჭი. ცნობილია, რომ კანონპროექტს არა მარტო საპარლამენტო უმცირესობა, არამედ უმრავლესობის ნაწილიც არ უჭერს მხარს.
6 თვით თავისუფლების აღკვეთა შეეფარდა 65 წლის მამაკაცს, რომელსაც ბრალად 3 წლის ბავშვის მიმართ გარყვნილ ქმედებაში ედება ბრალი. ეს გადაწყვეტილება სასამართლომ ბრალდებულთან საპროცესო შეთანხმების შემდეგ გამოიტანა.
ვერტმფრენების კომპანია ”თუშეთის” მფლობელის ზაურ ქორთოშიძის ოჯახის ახლობლები იმის შესაძლებლობასაც კი გამორიცხავენ, რომ ტერორისტული აქტის მოწყობის მცდელობაში ბრალდებული მიკაილ კადიევი და რიზვან ომაროვი ქორთოშიძეების სახლში ცხოვრობდნენ.
