სკანდალი, რომელიც მშვიდლოსნობის მსოფლიო ჩემპიონატზე დაიწყო, გრძელდება. არ არის გამორიცხული, იტალიის ნაკრებს მსოფლიო ჩემპიონის ტიტული შეუნარჩუნდეს, ოლიმპიადის 4 ლიცენზია კი საქართველოს ნაკრებს გადაეცეს. სკანდალი იტალიაში მსაჯების გადაწყვეტილებას მოჰყვა, რომლის მიხედვითაც უკვე გამარჯვებულად გამოცხადებულ საქართველოს გუნდს, იტალიელი სპორსტმენების პროტესტის საფუძველზე, შედეგები გაუუქმეს და გამარჯვება მასპინძლებს მიაკუთვნეს. ქართველი მშვილდოსანი გოგონების ნაკრები დღეს დილით საქართველოში დაბრუნდა.
კახი კალაძე შესაძლოა გარიგებულ მატჩებში მონაწილეობდა. იტალიის პროკურატურა რამდენიმე გაყიდული თამაშის საქმეს იძიებს, რომელშიც, კალაძის გარდა, კიდევ რამდენიმე ცნობილი ფეხბურთელისა და მწვრთნელის სახელი ფიგურირებს.
ევრო 2020-ის მასპინძლობაზე განაცხადს საქართველოსთან ერთად აზერბაიჯანიც შეიტანს - ინფორმაცია ამის შესახებ აზერბაიჯანულმა მედიამ ქვეყნის ფეხბურთის ფედერაციის პრეზიდენტის განცხადების საფუძველზე გაავრცელა.
აფხაზეთის არაღიარებული რესპუბლიკის ხელმძღვანელობამ ფიფას თხოვნით მიმართა, რათა ამხანაგური მატჩების გამართვის უფლება მიიღოს. ამის შესახებ რუსულ გამოცემებს აფხაზეთის ფეხბურთის ფედერაციის პრეზიდენტმა ჯამალ გუბაზმა განუცხადა.
შეინარჩუნებს თუ არა საფეხბურთო კლუბი `ზესტაფონი` საქართველოს ჩემპიონის ტიტულს, ჯერ უცნობია. ფეხბურთის ფედერაციის აღმასკომი ზესტაფონის კლუბის პრეზიდენტს იმ ბრალდებების დასაბუთებას სთხოვს, რომელის მიხედვითაც მარტვილის `მერანი` და რუსთავის `მეტალურგი` საფეხბურთო გარიგებაში დაადანაშაულა.
2011-2012 წლების საქართველოს ჩემპიონად `ზესტაფონი` გამოცხადდა. გადაწყვეტლება ფეხბურთის ფედერაციის აღმასკომმა დაახლოებით 4-საათიანი მსჯელობის შემდეგ მიიღო.
გერმანიის საფეხბურთო კავშირმა დიუსელდორფის "ფორტუნასა" და ბერლინის "ჰერტას" სკანდალური მატჩის განხილვა დაიწყო. საპასუხო მატჩი ორჯერ შეწყდა და ის გერმანული ფეხბურთის ისტორიაში ერთ-ერთი ყველაზე სკანდალური შეხვედრა აღმოჩნდა.
საფეხბურთო კლუბი თბილისის "დინამო" ცვლილებების მოლოდინშია. კლუბის ხელმძღვანელობამ მოლაპარაკება ქართველი გულშემატკივრისათვის კარგად ნაცნობ ფოლკერ ფინკესთან დაიწყო.
