საგარეჯოში ქალაქის რეაბილიტაციის პროექტის პრეზენტაცია გაიმართა. რეგიონული განვითარებისა და რეაბილიტაციის პროექტის მიხედვით, ქალაქის ცენტრი მთლიანად განახლდება. დაგეგმილია მხარეთმცოდნეობის მუზეუმის აღდგენაც.
პრეზენტაციაზე, რომელიც საქართველოს პარლამენტის თავმჯდომარემ გამართა, ცნობილი გახდა, რომ საგარეჯოს ცენტრში ახალი სკვერი გაშენდება.
სარეკრეაციო ზონასა და მუზეუმთან ველოტრასა და სპორტული მოედანი აშენდება. საგარეჯოს ცენტრში აიგება პირველი ამფითეატრიც.
სულ პროექტის განსახორციელებლად 2 მილიონი დაიხარჯება.
ევროსაბჭოს რეზოლუციაზე კომენტარი გააკეთა ფინანსთა მინისტრმა და განაცხადა, რომ ფინანსურ შემოწმებას საზოგადოებრივი მაუწყებლის მუშაობისთვის ხელი არ შეუშლია, ამიტომ დოკუმენტში მცდარი ინფორმაციაა დადასტურებული.
მცხეთა-თიანეთის ყოფილი გუბერნატორი ცეზარ ჩოჩელი დაკავებულია. ყოფილ რწმუნებულს, შემოსავლების ლეგალიზაციასა და სამეწარმეო საქმიანობაში უკანონო მონაწილეობას ედავებიან.
საქართველოსა და რუსეთის პრემიერ-მინისტრების შეხვედრას დავოსში საქართველოს საგარეო საქმეთა მინისტრიც ადასტურებს. ივანიშვილი და მედვედევი შვეიცარიაში ეკონომიკურ ფორუმს ესწრებიან.
ფინანსთა მინისტრი ვანო მერაბიშვილის ბრალდებებს უპასუხისმგებლოს უწოდებს. ნოდარ ხადურის თქმით, წლიური ბრუნვა 100 მილიონი ლარით გაიზარდა. ფინანსთა სამინისტრო დღეს სპეციალური დოკუმენტის გამოქვეყნებასაც აპირებს.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
`ნაციონალური მოძრაობის`გენერალური მდივანი კვლავ საბიუჯეტო კრიზისზე საუბრობს. პარტიის ოფისში გამართულ ბრიფინგზე მერაბიშვილმა ჟურნალისტებს თავისი არგუმენტები გააცნო და ბიზნესმენებზე განხორციელებულ ზეწოლაზეც ისაუბრა.
რუსეთში მოლაპარაკების მორიგი რაუნდისათვის ქართული დელეგაციის შემადგენლობა გაკვეულია. დელეგაცია სოფლის მეურნეობისა და `სამტრესტის` წარმომადგენლებით დაკომპლექტდება.
გენადი ონიშჩენკო მზად არის, რუსულ ბაზარზე ქართული პროდუქციის დაბრუნების თაობაზე მოლაპარაკებები ქართულ დელეგაციასთან იანვრის ბოლოს, ან თებერვლის დასაწყისში გამართოს.
კახეთში სტიქიის შედეგად დაზარალებულთა სიები "ბანკი ქართუს" ფილიალს გადაეცემა და დაიწყება მათ სახელზე ანგარიშების გახსნაც. სიაში სულ 28 500 ოჯახია. თანხის ოდენობა ინდივიდუალურად, მიღებული ზარალის მიხედვით განისაზღვრება.
