ჯონ ბასს საქართველოში რიჩარდ ნორლანდი შეცვლის19.02.12 18:03ჯონ ბასს საქართველოში რიჩარდ ნორლანდი შეცვლის. ბარაკ ობამამ საქართველოში აშშ-ის ახალი ელჩის კანდიდატურა დაასახელა. ოფიციალური განცხადება თეთრი სახლის ვებგვერდზე გამოქვეყნდა. 57 წლის ნორლანდი სახელმწიფო დეპარტამენტის მაღალი რანგის თანამშრომელია. ის საერთაშორისო საქმეთა მრჩევლის მოადგილეა. სხვადასხვა წელს მუშაობდა უზბეკეთში, ავღანეთში, ლატვიაში, ჩრდილოეთ ირლანდიაში, რუსეთსა და ბაჰრეინში. რიჩარდ ნორლანდი 1993 წელს საქართველოში სამშვიდობო პროცესშიც მონაწილეობდა. ბილ კლინტონისა და ჯორჯ ბუშის პრეზიდენტობისას ორი წლის განმავლობაში ის უშიშროების საბჭოს ევროპულ დეპარტამენტს ხელმძღვანელობდა. მის კანდიდატურას კონგრესმენები განხილვის შემდეგ დაამტკიცებენ. |
||||||||||
![]() |
||||||||||







