სტიქიას თბილისში 5 ადამიანი ემსხვერპლა
13.05.12 12:35
ხუთი ადამიანი ემსხვერპლა სტიქიას თბილისში, მათგან ორი მცირეწლოვანი ბავშვი და ერთიც ხანდაზმული. ყველა გარდაცვლილი ორთაჭალაში, ღვარცოფიც მოვარდნას შეეწირა.
84 წლის ქალბატონის ცხედარი მაშველებმა დილის 10 საათზე, საკუთარ სახლში იპოვეს. საგანგებო სიტუაციების სამსახურის თანამშრომლებმა გარდაცვლილს ორთაჭალაში, საკუთარი სახლის წყლით დაფარულ პირველ სართულზე მიაკვლიეს.
84 წლის ქალბატონს მეზობლები გუშინ ღამიდან ეძებდნენ, თუმცა უშედეგოდ. თვითმხილველები ყვებიან, რომ უცებ მოვარდნილმა ნიაღვარმა სწორედ მის სახლში შეაღწია. სავარაუდოდ, გარდაცვლილმა, რომელიც მარტოხელა იყო, თავის დაღწევა ვერ შეძლო და წყალში დაიხრჩო.
ღვარცოფი გახდა გორგასლის ჩიხში დატრიალებული ტრაგედიის მიზეზიც, სადაც დაღუპულებს შორის ორი მცირეწლოვანი ბავშვია, მათგან ერთი 6 თვის. ორთაჭალის ამ ქუჩაზე სამმეტრიანი ნიაღვარი მოვარდა, ღვარცოფი საცხოვრებელ სახლებად გადაკეთებულ ავტოფარეხებში შევარდა, სადაც ქალბატონი ორ შვილთან ერთად სტუმრად მეგობართან იმყოფებოდა. მაშველებმა ისინი გარდაცვლილები სახლის ნანგრევებში იპოვეს.
|
