ქრისტიანული სამყარო აღდგომას ზეიმობს
15.04.12 16:29
ქრისტიანული სამყარო დღეს უდიდეს დღესასწაულს – უფლის მკვდრეთით აღდგომას - ზეიმობს.
დღევანდელი დღე, სამების საკათდერო ტაძრიდან, სრულიად საქართველოს მიულოცა კათოლიკოს პატრიარქმა.
ქადაგების დროს, ილია მეორემ დღევანდელი დღესასწაულის მნიშვნელობაზე გაამახვილა ყურადღება.
პატრიარქმა დალოცა საზღვარგარეთ მცხოვრები საქართველოს მოქალაქეებიც და ყველა მათგანს ბედნიერება და სიძლიერე უსურვა.
სააღდგომო ლიტურგია საქართველოში მოქმედ ყველა ტაძარში მთელი ღამის განმავლობაში მიმდიანრეობდა.
საეკლესიო მსახურება სამებაში ღამის 11 საათზე დაიწყო. ამ დროისთვის მივიდა ტაძარში საქართველოს პრეზიდენტიც. მიხეილ სააკაშვილი, მეუღლესთან ერთად, საზეიმო წირვას დაესწრო. ტაძარში ოჯახის წევრებთან ერთად იმყოფებოდნენ, ასევე, პარლამწენტის თავმჯდომარე და თბილისის მერი. სააღდგომო ლიტურგიას პარლამენტარები და მთავრობის წევრებიც დაესწრნენ. პრეზიდენტმა აღდგომის დღესასწაული მთელ საქართელოს მიულოცა.
მწუხრის ლოცვის შემდეგ ტაძრების გარშემო მსვლელობა დაიწყო. ლიტანიობის დროს სასულიერო პირები,მსახურები და მრევლი ხატებით ჯვრებითა და ანთებული სანთლებით ჯვრის საგალობელს გალობენ. სამებაში შეკრებილ მრევლს პატრიარქის სააღდგომო ეპისტოლეც გააცნეს. ილია მეორემ ეპისტოლეში რამდნემე საკითხზე გაამახვილა ყურადღება, მათ შორის სოფლის მეურნეობის სფეროს განვითარებასა და ჯანდაცვაზე.
მსახურება საქართველოს ყველა მოქმედ ტაძარში გამთენიას დასრულდა. აღდგომის ბრწყინვალე დღესასწაულის დადგომასთან ერთად მორწმუნეებისთვის მარხვაც დამთავრდა. ხვალიდან ბრწყინვალე შვიდეული იწყება.
დღევანდელი დღე მართლმადიდებლებისთვის ყველაზე დიდი დღესასწაულია.
|
