ბათუმში ხულიო იგლესიასს ელოდებიან
28.12.11 20:32
ბათუმი კიდევ ერთი განუმეორებელი საახალწლო კონცერტისთვის ემზადება. ზღვისპირა ქალაქში მსოფლიო ვარსკვლავს ხულიო იგლესიასს ელოდებიან.
ესპანელი მომღერალი სასტუმრო რედისონის წინ, მოედანზე 31 დეკემბერს იმღერებს.
გალაკონცერტისთვის მზადება დასასრულს უახლოვდება. უკვე დამონტაჟებულია 50-მეტრიანი სცენა.
იგლესიასი კონცერტზე 15-კაციან ბენდთან ერთად იდგება და ორსაათნახევრიან შოუს გამართავს.
კონცერტის საორგანიზაციო და ტექნიკურ მხარეს კომპანია "ისტერნ პრომოუშენი" უცხოელ კოლეგებთან ერთად აგვარებს.
ესპანურენოვანი მომღერალი, რომელსაც 300 მილიონი დისკი აქვს გაყიდული, საქართველოში პირველად იმღერებს. მისთვის ეს იქნება პირველი შემთხვევა, როცა კონცერტზე ახალ წელს ქუჩაში შეხვდება.
|
