ანტიქართული ისტერია რუსეთის დედაქალაქში
23.02.12 14:58
რუსეთის დედაქალაქში მიმდინარე საპროტესტო აქციები ანტიქართულ ისტერიაში გადაიზარდა - საპრეზიდენტო არჩევნებამდე 10 დღით ადრე, მოსკოვში მიმდინარე აქციაზე ვლადიმერ ჟირინოვსკი, წინასაარჩევნო აგიტაციის ნაცვლად, საქართველოს წინააღმდეგ მიმართული განცხადებებით შემოიფარგლა.
`მე ყოველთვის ვწყევლიდი სტალინს, რომელიც გორში დაიბადა ცხინვალის სიახლოვეს და საქართველო დღემდე სისხლშია. ვიდრე აქ იყო რუსული არმია, ორასი წლის განმავლობაში აქ იყო სიმშვიდე, ახლა კი მუდმივად იქმნება არეულობები და ქართველებს ამის შემდეგ კიდევ ყოფნით სინდისი და ოკუპაციის მუზეუმს ხსნიან. ჩვენ სამხრეთი ოსეთი ჩვენი დაცვის ქვეშ ავიყვანეთ და თუ ქართველებმა ასე გააგრძელეს, შეიძლება 200 წლის შემდეგ ცხინვალის ცენტრშიც ოკუპაციის მუზეუმი გახსნეს, აი თქვენი ისტორია,`- განაცხადა აქციაზე რუსეთის ლიბერალ-დემოკრატიული პარტიის ლიდერმა, რუსეთის პრეზიდენტობის კანდიდატმა ვლადიმირ ჟირინოვსკიმ.
ლიბერალ-დემოკრატიული პარტია ერთ-ერთია იმ მოძრაობებს შორის, რომელიც სამშობლოს დამცველთა დღეს მოსკოვში აქციას მართავს. დედაქალაქში პარალელურად, კომუნისტების და კიდევ რამდენიმე მოძრაობის აქცია მიმდინარეობს.
|
