საქართველოსა და აზერბაიჯანის ფეხბურთის ფედერაციების შეხვედრა
01.06.12 14:42
ბათუმში, სასტუმრო "რადისონში" საქართველოსა და აზერბაიჯანის ფეხბურთის ფედერაციების პრეზიდენტების პირველი ოფიციალური შეხვედრა გაიმართა. ზვიად სიჭინავამ და როვნაგ აბდულაევმა იმ ერთობლივ სამოქმედო გეგმაზე იმსჯელეს, რომელსაც ორი ქვეყნის ფეხბურთის ფედერაციები უეფას წარუდგენენ და 2020 წლის ევროპის ჩემპიონატის მასპინძლობისთვის იბრძოლებენ.
`უეფას` კონგრესი კიევში 30 ივნისს გაიმართება.
2020 წლის ევროპის ჩემპიონატის მასპინძლობის სურვილს რამდენიმე ქვეყანა აცხადებს - საქართველო და აზერბაიჯანი ერთობლივად, ბრიტანული ტრიო - შოტლანდია, ირლანდია და უელსი და თურქეთი. ამ უკანასკნელს ევროპული ფეხბურთის მმართველმა ორგანომ გარკვეული შენიშვნებიც მისცა და თურქულ ფეხბურთში არსებული ფინანსური პრობლემების მოგვარება დაავალა. სწორედ ამ პრობლემების გამო `უეფამ` რამდენიმე დღის წინ ევროპის ლიგის გათამაშებიდან ორი თურქული გუნდი მოხსნა.
|
