სააკაშვილი შობას გელათში შეხვდა
07.01.12 14:05
საქართველოს პრეზიდენტი შობას გელათში, ღვთისმშობლის ტაძარში შეხვდა. საზეიმო წირვა-ლოცვას ქუთათელ-გაენათელი მიტროპოლიტი მეუფე კალისტრატე აღავლენდა. ტაძარში უამრავი ადამიანი იყო შეკრებილი.
მიტროპოლიტმა – მეუფე კალისტრატემ დალოცა პრეზიდენტი და დავით აღმაშენებლის ხატი უსახსოვრა. მეუფე კალისტრატემ წარმატება უსურვა საქართველოს პრეზიდენტს აღმშენებლობის საქმეში.
ქუთათელ-გაენათელმა მიტროპოლიტმა მიხეილ სააკაშვილს შობის დღესასწაულის აღსანიშნავად სიმბოლურად გელათში დამზადებული თაფლი მიართვა.
საქართველოს პრეზიდენტმა გელათში შეკრებილ მრევლს ქრისტეშობა მიულოცა და კიდევ ერთხელ განაცხადა, რომ ქუთაისში აღმშენებლობის პროცესი გაგრძელდება.
საქართველოს პრეზიდენტთან ერთად, გელათში საშობაო ღვთისმსახურებას იმერეთის გუბერნატორი და ქუთაისის მერი დაესწრნენ.
|
