კონსტანტინე გამსახურდიას მოსკოვში ვიზიტის შემდეგ, საქართველოს პირველი პრეზიდენტის სიკვდილზე ახალი დეტალები გახდა ცნობილი. გამსახურდიას სიკვდილის მიზეზების შემსწავლელი კომისიის წევრების აზრით, კომისიის თავმჯდომარის შეხვედრებმა რუსეთში კიდევ უფრო გააჩინა ეჭვი, იმის შესახებ რომ ოფიციალური ვერსია გამსახურდიას თვითმკვლელობის შესახებ მცდარია.
საპარლამეტო კომისია ამ თემაზე საუბარს სხდომაზე რამდენიმე დღეში აპირებს. არ არის გამორიცხული, დღის წესრიგში ედუარდ შევარდნაძის დაკითხვის საკითხიც დადგეს.
საქართველოს ეროვნული უშიშროების საბჭოს სხდომა დღეს 18:00 საათზეა დანიშნული. უკვე ცნობილია, რომ სხდომას, რომელიც პრეზიდენტმა მოიწვია, არ დასწრება პრემიერ-მინისტრი.
ეროვნულ მუსიკალურ ცენტრში განვითარებულ მოვლენებს საქართველოს კულტურის მინისტრი გამოეხმაურა. გურამ ოდიშარია აცხადებს, რომ ცენტრის მუშაობაში გამოვლენილ დარღვევებს სპეციალური კომისია სწავლობს.
შეიარაღებული თავდასხმა მოხდა ბანკზე. თბილისში, გურამიშვილის გამზირზე მდებარე `პრივატ-ბანკის` შენობაში ერთი შეიარაღებული მამაკაცი შეიჭრა და ფულის წაღება სცადა.
პარლამენტის საგარეო ურთიერთობათა კომიტეტის თავმჯდომარე თედო ჯაფარიძე დიდ ბრიტანეთში ელჩობაზე უარს ამბობს. მისი კანდიდატურა დიდი ხანია გადაგზავნილია პრეზიდენტთან, თუმცა მიხეილ სააკაშვილი დოკუმენტს ხელს არ აწერს.
