ჟენევის მოლაპარაკებები უშედეგოდ დასრულდა
30.03.12 10:24
უშედეგოდ დასრულდა ჟენევის მოლაპარაკების მე-19 რაუნდი. საერთაშორისო თანამეგობრობის არაერთი მოთხოვნის მიუხედავად, რუსეთი 2008 წლის 12 აგვისტოს მიღწეულ შეთანხმების არ შეასრულებს. მიუხედავად ამისა, ქართული მხარე მიიჩნევს, რომ მოლაპარაკებები ჟენევის ფორმატში უნდა გაგრძელდეს და საერთაშორისო საზოგადოების ზეწოლის შედეგად, საბოლოოდ რუსეთს მაინც მოუწევს ნაკისრი ვალდებულებების შესრულება.
დისკუსია ჟენევის მოლაპარაკებებზე სამი საკითხის ირგვლივ მიმდინარეობდა, დევნილების ღირსეული და უპირობო დაბრუნება ოკუპირებულ ტერიტორიებზე, საერთაშორისო მონიტორინგის აღდგენა და რუსეთის მხრიდან ცეცხლის განუახლებლობის შესახებ ხელშეკრულების ხელმოწერა. ჟენევის მოლაპარაკების მომდევნო რაუნდი 7-8 ივნისს გაიმართება.
|
