სამაუწყებლო კომპანია "რუსთავი 2"-სა და უეფას შორის მჭიდრო ურთიერთობა 1999 წლიდან დაიწყო, "რუსთავი 2" უეფას ოფიციალური პარტნიორია. სამაუწყებლო კომპანიის პირდაპირ ეთერში ყოველწლიურად 50-ზე მეტი რეპორტაჟი გადაიცემა.

პირველ ფინალს, რომელიც 1999 წელს ბარსელონაში ნოუ კამპის სტადიონზე გაიმართა და საყოველთაო მოსაზრებით ერთ ერთი საუკეთესო იყო, ლეგენდარული ქართველი კომენტატორი, კოტე მახარაძე უძღვებოდა. "მანჩესტერ იუნაიტედმა" 2-1 დაამარცხა "ბაიერნი". მას შემდეგ სამაუწყებლო კომპანია "რუსთავი 2"-ის პირდაპირი ეთერით ნაჩვენებია 500-ზე მეტი მატჩი. მათ შორის უეფას თასისა და საკონტინენტთაშორისო თასის მატჩები.

ლიგის ძირითადი ტურნირი სექტემბრის შუა რიცხვებში იღებს სტარტს-ფინალი კი მაისის მიწურულს იმართება. სამშაბათსა და ოთხშაბათს პირდაპირი რეპორტაჟები 22:40 წუთზე (ზამთარში 23:40 წუთზე).  ასევე ყოველ კვირას "რუსთავი 2"-ის ეთერშია უეფას ჩემპიონთა ლიგის კვირის მიმოხილვა.